| Do avëi laurà cun suzes 25 ani da aucat te si studio à Dr. Siegfried Brugger metù su cun DDr. Christoph Perathoner, LL.M. (Eur. Law), si culaburadëur per ani, tl ann 2004 n studio de aucac assoziei nuef. L studio de aucac ie spezialisà tl dërt privat naziunel y nternaziunel, tl dërt cumerziel y tl dërt economich. Sëuraprò lëurel tl ciamp dl dërt europeich y dl dërt aministratif, ratan leprò nce l dërt di apalc publics y da ani portel a fin cun suzes arbitrac a livel naziunel y nternaziunel. |
| I aucac dl studio rejona bën tudësch, talian, nglëisc y ladin y ie autorisei a jì dan sunieria te duta la Talia y nce tla Union europeica. Dui doi cumëmbri fej pert dla Majon de arbitrat dla Majon dl Cumerz de Bulsan. Dr. Siegfried Brugger ie sëuraprò mo autorisà a jì dan sunieria a Viena. |
La sënta prinzipela dl studio de aucac assoziei ie tla streda Capuzineri 5 a Bulsan, tl cuer dla zità capitela de Sudtirol, daujin al dom, al teater cumenel y al’università. La cëses da lascé l auto plu daujin ie o tla streda Capuzineri nstëssa o sun plaza Walter.
Per la valedes ladines iel tl ann 2007 unì giaurì n studio a posta te Gherdëina, tla streda Gherdëina 55 a S. Cristina, y ntant sce ie la filiela de Roma tl viale Giulio Cesare 95.
La sëntes dl studio de aucac assoziei y i cuntac cun curespundënc tla Talia y tl’Europa fej a na maniera che n possa unì a se cunsië y giapé na assistënza leghela cumpleta.
L fin dl studio de aucac assoziei ie de garantì, tres na strutura tlera y bën urganiseda, l cuntat de persona y persunel danter aucac y tlienc. |
| Nosc culaburadëures dl secretariat mët n cuntat i tlienc cun l aucat y se ncunforta sce cherdëis su, scrijëis na e-mail o passëis a ti fé vijita. |
|
